اسلام آباد۔ 13مارچ (اے پی پی) چیئرمین کشمیر کمیٹی سید فخر امام پارینے کہ پاکستان بامسخت امن مذاکرات ناعمل نا کمک اٹ کشمیر نا ویل اتون اوار بھارت تون اوار غٹ جھیڑہ غاتے ایسر کننگ خواہک۔ جمعہ نادے آ ریڈیو کرنٹ افیئر پروگرام اٹی گپ و تران اٹی او پارے کہ پاکستان اتون غٹ کشمیری باندات آتے ہیت وگپ انا کمک اٹ ایسر کننگ کن سلاہ ارے وخت اس کہ بھارت ڈیہہ ٹی تسلط قائم کننگ خواہک۔ اوبھارتی جور و انسانی حق انا خلاف ورزی تا بارواٹی تاریخ اٹی پین ہچ ءُ مثال اس ملپک ولے بھارت اٹی مسلمان آتون انتس کہ کننگ انگ ءِ مچ آ دنیا ٹی دانا بھاز مذمت ءِ کننگ انگ ءِ۔ فخر امام پارے کہ چندی کشمیر ی تے شہید، چندی تے بھارتی فورس آک دزگیر و جتا شارتیٹی بند کرینو۔ اوپارے کہ بھارتی فورس آک کودک و غیر سلہہ بند کشمیری تا برخلاف پیلٹ گن و کلسٹر بمب آتے کاریم اٹ ایسونو، واشنگٹن پوسٹ، نیویارک ٹائمز، گارڈین تون اوار دنیا نا پنی آ میڈیا ہندن بھارتی پالیسی تا برخلاف رپورٹنگ کننگ ءُ ہرا الس نا سلاہ ءِ بھارت نا برخلاف بدل کرینو۔ فخر امام پارے کہ چندی ملک آتا پارلیمنٹ آک ہم کشمیر اٹی انسانی حق انا خلاف ورزی تا بارواٹی قرارداد منظور کرینے۔ اقوام متحدہ نا سلامتی کونسل 54سال انا وقفہ غان پد کشمیر نا ویل انا ایجنڈا غا پدریسہ گپ وتران کرے۔ فخر امام پارے کہ ملک اٹی 60 درسد آن زیات آبادی کشت وکشار نا بشخ آ سیبو کیک، ساڑی حکومت نا اولیت ءِ کہ او دا بشخ ءِ گچین کے و ہروڑاٹ کشارگر آتے آسراتی فراوان کے۔ کشت و کشار نا بشخ اٹی گچینی اتنگ کن خاطر خواہ بجٹ اس جتا کننگک تانکہ پیدواری لائخی ٹی ودکی مرے و بزغر آتے اوفتا کوشست آتا نہاد بایدے ملے۔
