اسلام آباد۔ 13مارچ(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پاکستان نا الس نا رکھ و سلامتی ننا اولی زمواری ءِ، کورونا وائرس نا جہانی چیلنج نا زہم تیان قوم ءِ رکھ کننگ نا بابت اولیت آک طے مننگ ءُ۔ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ اینو وزیراعظم عمران خان نا کماشی ٹی قومی سلامتی کمیٹی نا اہم ءُ دیوان اس اڈہلنگ ءِ ہراٹی صوبائی وزیراعلیٰ تتون اوار بڑزکو سول و عسکری سرکڑدہ غاک دیوان اٹی بشخ ہلنگ ءُ، دیوان نا مسخت کرونا وائرس کون آ اہم ویل آ مچ آ قوم ءِ یکجا کننگ و وائرس نا مون ءِ توننگ نا قومی کوشست آتے ٹی یکسوئی و ہم گرنچی ءِ مون آ دننگ ءِ۔ دا دیوان اٹی الس نا رکھ انا رداٹ اہم ءُ فیصلہ کننگک۔
