اسلام آباد۔12مارچ(اے پی پی) دری کارانی وزیر شاہ محمود قریشی ءَ گشتگ کہ نوکیں حال رسانکی ٹیکنالوجی ءَ چہ سفارت کاری ءِنوکیں لوٹ ہم مٹ بوہگءَ اَنت، مارا سفارتکاری ءِ جدید رھبنداں وتی کنگءِ ضلورت اِنت۔ آ پنچ شمبےءِ روچءَ دری کارانی وزارتءَ جم داشتگیں 28می سفارتی کورس گریجویشن مراگشءَ گوں تران کنگءَ بوتگ۔ اے سفارتی کورس فارن سروس اکیڈمی ءَ سرجم کنگ بوتگ۔ کورس ءِ سرجم بوہگءَ گریجویشن مراگش ءَ 24ملک آنی 33سفارتکار ہوار بوتگ اَنت۔ مراگشءَ دری کارانی وزیر شاہ محمود قریشیءَ باسکاناں سند ہم داتگ۔ مراگشءِ ایندگہ باسکاں دری کارانی سیکرٹری سہیل محمود، ڈائریکٹر جنرل فارن سروس اکیڈمی ندیم ریاض ءُ دری کرانی مزنیں احکام ہم ہوار بوتگ اَنت۔ دری کارانی وزیرءَ سفارتکاراں کورسءِ سرجم بوہگءَ مراد بات داتگ۔ دری کارانی وزیر شاہ محمود قریشیءَ مراگشءَ گوں تران کتگءُ گشتگ کہ انوگیں وہدءَ حال رسانکیءِ جدید ٹیکنالوجی ءَ چہ سفارتکاریءِ لوٹ ہم مٹ بوہگءَ اَنت۔ آئیءَ گشتگ کہ اےکورسءَ چہ پاکستانءُ ایندگہ ملک آنی نیامءَ کمک گیش بوت کنت۔ ایشی ءَ ابید درملکی سفارتکاراں گشتگ کہ آ پاکستانءَ چہ ڈولداریں یاتءُ جوانیں ھیالءُ لیکہ زورگءُ چہ اِدءَ واتر بوہگءَ اَنت۔
