اسلام آباد۔ 12مارچ(اے پی پی) چین پاکستان اقتصادی راہداری (سی پیک ) ڈٹ انا رداٹ آجو واپاری معاہدہ غان برآمدات و زرکاری ٹی ودکی مریک، سی پیک اتھارٹی نا کمامدارآتا رداٹ اسپیشل اکنامک زون تیان پاکستان و چین انا چندی بشخ خاص وڑاٹ کشاری بشخ اٹی تین پہ تینی کمک ءِ مون آ دننگ دوئی مریک ہرا ہڑتوم آ ملک آتا اہم اولیت آتے ٹی اوار ءِ۔ سٹون و معدنیات نا بشخ اٹی ہڑتوم کنڈآتا کمکاری المی ءِ انتئے کہ پاکستان نا رداٹ صوبہ بلوچستان دنیا نا اسٹ انگا سلیمانی خل ودی کروک آ ڈیہہ ءِ۔ پاکستان اٹی خیسن وپتل تے جدیدپالش و بناوٹ اٹ شاغنگ نا گڑاتا کمتی ءِ، ہرانا سوب چین ءِ برآمد کننگک۔ پاکستان نا جیم سٹون و معدنیات نا بشخ اٹی اسیجا واپاری سرجزآتیان روزگار نا پوسکن ءُ وارخواہی ودی مریک۔
