اسلام آباد۔ 12 مارچ(اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزا پارینے کہ جہانی ادارہ جان جوڑی کوروناوائرس ءِ دَینی ءُ مرض اس گوندانے، نن انشاء اللہ پاکستانی تے کوروناوائرس آن رکھ کننگ کن کاریم کرسا کینہ۔ پنچ شنبے نادے آ تینا ٹویٹ اٹی اوپارے کہ مچ آ دنیا ٹی کوروناوائرس نا بھلو کچ اسے آ تالان مننگ نا سوب آن ڈبلیو ایچ او غٹ ملک آتے کن دانا خطرہ غاتے تالان کننگ خواہک تانکہ ملک آک تینا تیاری و زمواری ءِ سوگو کیر۔ اوپارے کہ پاکستان اٹی ، بنجائی و صوبائی حکومت آک تدوک آ 7ہفتہ غان تیاری و رسپانس آ کاریم کننگ ءُ۔ نن انشاء اللہ پاکستانی تے کورونا وائرس آن رکھ کننگ کن کاریم کرسا کینہ۔ خصوصی کمکار پارے کہ دنیا داسہ ہم پدرند ءِ خلسا ، درمان و تینا خلقت ءِ متحرک کرسا دا دَین نا رخ ءِ بدل کننگ کیک۔ ملک آتے الس نا رکھ اکن اوفتے تون ہیت وگپ کرسا ہلہلہ ئی حالیت آتے ودفنگ نا گرج ءِ۔
