اسلام آباد۔ 12مارچ(اے پی پی) وزیراعظم نا خصوصی کمکارقومی جان جوڑی ڈاکٹر ظفر مرزا پارینے کہ فیس بک انٹرنیشنل نا کمک اٹ پاکستان اٹی کوروناوائرس آن بچفنگ کن خلقت ءِ معلومدار کننگ اٹ بھاز کمک رسینگک، پاکستان اٹی غٹ آن زیات سوشل میڈیا صارف آک فیس بک نا پلیٹ فارم آ ساڑی ءُ۔ داخیال آتا درشانیءِ او فیس بک انٹرنیشنل نا بڑزکو کہولی ڈل اتون اوڑدہی ٹی گپ وتران کرسا کرے۔ ڈل اٹی نمائندہ گورنمنٹ اینڈ پبلک ایڈووکیسی جولن ذوو صارم عزیز ئسک اوارئسر۔ داوخت آ ڈاکٹر ظفر مرزا پارے کہ فیس بک انٹرنیشنل کورونا وائرس نا آگاہی ٹی حکومت پاکستان تون کمک کیک۔ اوڑدہی ٹی ڈل کوروناوائرس نا چرجوئی ٹی آگاہی کن کمک فراوان کننگ نا سلہ خلکونے۔ اوپارے کہ فیس بک انٹرنیشنل نا دا کمک آن پاکستان اٹی کوروناوائرس آن بچفنگ کن خلقت ءِ معلومدار کننگ اٹ بھاز کمک رسینگک۔ پاکستان اٹی غٹ آن زیات سوشل میڈیا صارف فیس بک نا پلیٹ فارم آ ساڑی ءُ۔ اوپارے کہ پاکستان اٹی کم و ود 41ملین آن زیات خلقت فیس بک ءِ کاریم اٹ اتیرہ۔ دا وخت آ نمائندہ گورنمنٹ اینڈ پبلک ایڈووکیسی جولن ذو پارے کہ کوروناوائرس نا بابت غلط معلومداری تے فیس بک آن کشنگک۔
