پاکستان ءِ کرپشن و تعصب نسخان تسنو، ساڑی حکومت کرپشن نا پورو چٹفنگ کن کوشست کننگ ءِ، جوڈیشل کمپلیکس نا ہندا سال بناءِ کننگک
اسلام آباد۔ 12مارچ(اے پی پی) بنجائی وزیر کانود وانصاف بیرسٹر ڈاکٹر فروغ نسیم پارینے کہ پاکستان ءِ کرپشن و تعصب نسخان تسنو، ساڑی حکومت کرپشن نا پورو چٹفنگ کن متا ماری کننگ ءِ، جوڈیشل کمپلیکس نا ہندا سال بناءِ کننگک ، ڈسٹرکٹ بار اسلام آباد ءِ 50 لکھ روپئی فنڈز تننگ نا ہم پڑو ءِ کیوہ۔ اوپنچ شنبے نادے آ ڈسٹرکٹ بار ایسوسی ایشن آن تران کرسا پارے کہ بٹنگ انگ آ بارکونسل نا باسک آتا منت واراُٹ نمے خناٹ کنا دتر جوش اٹ بس۔ اوپارے کہ ہراتم آن وزیر کانود نا قلمدان ءِ سنبھالاٹ ڈسٹرکٹ ہائی کورٹ بار اتون اوار وکیل آک کنا اولیت ئسر۔ اوپارے کہ وکیل آتا آسراتی کن دا سال جوڈیشل کمپلیکس نا بناءِ کننگک۔ فروغ نسیم پارے کہ آجو عدلیہ تون اوار اوار بار ایسوسی ایشنز و بار کونسلز ہم بایدے وتواجہ مریر۔ اوپارے کہ بار ءِ مالی وڑاٹ آجو و وتواجہ کروئی مریک۔ اوپارے کہ وکیل آتے کن فیسیلیٹیشن سینٹر کن بنجائی حکومت نا کمک اٹ ہندا سال جاگہ نا فراوانی و بناءِ کننگ نا پورو کوشست کینہ۔ بنجائی وزیر کانود پارے کہ اسلام آباد اٹی ہر صوبہ غانبار ایڈیشنل و اسسٹنٹ ایڈووکیٹ جنرل مریک دابابت آن ڈرافٹ اس تیار کرسا مون تسونن۔ اوپارے کہ وکیل آتے میرٹ نا بنداو آ تعینات کننگک۔ فروغ نسیم پارے کہ پاکستان ءِ کرپشن و تعصب نسخان تسنو۔ اوپارے کہ تینا محنت اٹ میرٹ ءِ گچین کروئی مریک۔ اوپارے کہ بار کونسل ایکٹ اٹ اگہ ترمیم اس کروئی مرے تو اوڑآ کاریم مننگ کیک داکان مست ہم غٹ بار کونسل آتون سلابت کننگاسس۔ اوپارے کہ نادرا سیکشن سرٹیفکیٹ نا معاملہ غاتے ٹی وکیل آتا کمک و راہشونی ءِ ہلنگے۔ فروغ نسیم پارے کہ سول پروسیجر کوڈ ترمیم نا معاملہ غا انانا ہچ ءُ ویل اس اف ، وکیل آتا کنڈآن راہشونی کن درگہ غاک ملوک ءُ۔ او پارے کہ جوڈیشل کمپلیکس و جج آتا روٹیشن تون اوار وکیل آتا ویل آتے ایسر کننگ کن ڈسٹرکٹ بار ایسوسی ایشن چندی کمیٹی تے جوڑ کے ہراکنتون سلابت کیر تانکہ زوت آن زوت ویل آک ایسر مننگ کیر۔ اوپارے کہ دا سال ڈسٹرکٹ بار ایسوسی ایشن کن 50 لکھ روپئی فنڈز تننگ نا پڑو ءِ کیوہ و ای صدر بار ءِ پاوہ کہ او وکیل آتا فلاح نا پین ڈٹ مون آ اتے تانکہ فنڈز اٹی ودکی کننگ مرے۔ اوپارے کہ اینخو نا سال اسلام آباد ہائی کورٹ پوسکن آ ماڑی ٹی شفٹ مریک اوکان پد جی ٹین اٹی ڈسٹرکٹ بار ءِ پین آسراتی فراوان کننگک۔ اوپارے کہ وکیل آتے کن وزارت کانود نا درگہ 24 گھنٹہ ملوک ءِ انت کہ ویل اس مرے معلومدار کننگے۔ اوپارے کہ ورنا وکیل آک ہچ ءُ دُن ءُ گام اس ہرفپس ہراڑآن وکالت نا بشخ بدنام مرے وکیل آتے تینا عزت ءِ تینٹ کرفوئی ءِ ڈسٹرکٹ بار ایسوسی ایشن بنجائی وزیر کانود ءِ تاحیات ممبر شپ تننگ نا ہم پڑو ءِ کرے۔ داوخت آ ڈسٹرکٹ بار ایسوسی ایشن نا صدر ملک ظفر کھوکھر ہم تران کرے۔
