اسلام آباد۔ 12مارچ(اے پی پی) پارلیمانی کشمیر کمیٹی نا چیئر مین سید فخر امام پارینے کہ پاکستان نا پارلیمانی تاریخ اٹی اولیکو وار کشت وکشار نا بابت پارلیمانی کمیٹی اس جوڑ کننگانے ، کشاری ملک مننگ آن پد ہم نن دا بشخ اٹی مون آ ہِننگ کتون، بزغر آک ساڑی آ دور اٹی کھد آتا نہاد اٹی 400روپئی فی بوری کمتی آ خوش ءُ۔ پنچ شنبے نادے آ کشت وکشار آ قومی مکالمہ غان تران کرسا اوپارے کہ پاکستان اٹی کشاری پٹ وپول ءِ جہانی آب انا رداٹ اتوئی مریک۔ پاکستان اٹی آبادی ٹی ترندی اٹ ودکی مننگ ءِ۔ اوپارے کہ اینخو نا سال کشارگر آتے اوفتا فصل انا جوان ءُ معاوضہ اس بایدے ملے وخت اس کہ داڑتون اوار اوار صارف آتیا ہم بھاریم شاغنگپ۔ کُننگ نا تیل انا پیدوار اٹی ودکی مسنے۔ اوپارے کہ ملک اٹی کشاری پٹ وپولی ادارہ غاتیا بھلو زرکاری اسے نا گرج ءِ۔ تدوک آ 25 سال اٹی کشت وکشار آ جوان چکار کننگتو۔ ننے کشاری بشخ آ پبی چکار کننگ نا گرج ءِ۔ ساڑی حکومت کشارگر آتے ریلیف فراوان کننگ کن چندی گام گیج آتے چست کرینے۔
