اسلام آباد۔ 12مارچ(اے پی پی) بنجائی وزیر ڈٹ بندی شونداری، اصلاحات و خصوصی گام گیج اسد عمر پارینے کہ وزارت ڈٹ بندی ٹی کشاری پٹ وپول آ سرجم کاریم برجاءِ، سی پیک نا ارٹ میکو مرحلہ ٹی چین وپاکستان نا یونیورسٹی تا نیام اٹ کشاری بشخ انا شریداری اٹ است خواہی تخرہ، چین تینا ہموڑے کشاری بشخ اٹی انقلاب برپا کرینے ہراڑآن پاکستان ءِ فائدہ ہرفنگ نا گرج ءِ۔ داخیال آتا درشانی ءِ او پنچ شنبے نادے آ کشت وکشار نا شونداری کن قومی شرہ غا اڈ ہلوک گول میز کانفرنس آن تران کرسا کرے۔ بنجائی وزیر اسد عمر پارے کہ وزارت ڈٹ بندی ٹی کشاری پٹ وپول آ سرجم کاریم برجاءِ۔ سی پیک نا ارٹ میکو مرحلہ ٹی چین و پاکستان نا یونیورسٹی تا نیام اٹ کشاری بشخ انا شریداری ٹی است خواہی تخرہ۔ اوپارے کہ چین تینا ہموڑے کشاری بشخ اٹی انقلاب برپاکرینے ہراڑآن پاکستان ءِ فائدہ ہرفنگ نا گرج ءِ ۔ پاک چین بی ٹو بی فورم آ کشاری بشخ انا نمائندگی ءِ پک کینہ۔ اوپارے کہ انڈسٹری، جامعہ، حکومت و سول سوسائٹی نا شریداری اٹ پالیسی و پوسکن آ ریسرچ ءِ مون آ دینہ۔ پی ایس ڈی پی ٹی داسال کشت وکشار آ تدوک آ سال تا نسبت زیات زر جتا کننگانے۔ بزغر آتا کاریم نا کچ ءِ ودفنگ نا گرج ءِ۔ اوپارے کہ پاکستان نا چنکا بزغر آتا رکھ انا گرج ءِ۔ پلاننگ کمیشن ءِ کشاری پالیسی جوڑ کننگ کن پلیٹ فارم جوڑ کننگ نا پارت کننگانے۔
