اسلام آباد۔ 12مارچ(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان خلقت نا تینا اُراتا تغ ءِ تعبیر تننگ ءِ، 20ہزار اُراتا 7 ڈٹ آتابنا50لکھ اُراتا تفنگ ناتغ ءِ پوروی نا کنڈآ عملی گام اسے ، کم کٹیا کروک پاکستانی تا زند انا آب ءِ بڑز کننگ وزیراعظم عمران خان نا مشن ءِ ، پاکستانی تیکن چھت انا فراوانی ننا منشور اٹی کروک آوعدہ ءِ ۔ ڈاکٹر فردوس عاشق اعوان پنچ شنبے نادے آ تینا ٹویٹ اٹی پارے کہ انشاء اللہ الس نا است انا خواہش آک پورو مریرہ، اوفتے اوفتا اُرانا مالک کینہ، دا گام آن تعمیرات نا بشخ شون ہلیک، دا اسہ بشخ آن 40 صنعت چلینگرہ ہراڑآن روزگار نا وارخواہی ودی مریک و زرگزرانی سرجزآک ترند مریرہ۔ اوپارے کہ وزیراعظم عمران خان قوم انا احساس تخوک آ اسٹ انگا لیڈر راہشون ءِ ہرابیدس چھت آن خاچوک آتے لڑزفوک آ یخ و باسنی آن بچفنگ کن جاگہ غاتا بست و بند ءِ کرینے۔
