اسلام آباد ۔ 11 مارچ (اے پی پی) وزارت ءِ ھزانگ ءِ ترجمان عمر حمید خان ءَ گوشت کہ مزن وزیر عمران خان ءِ اقتصادی پالیشی آنی سر ءَ دل یکیمی ءِ درشان ءَ چہ راجی معیشت ءِ تہ ءَ ترندی ءَ گوں گہتری پیداک انت۔ چار شمبے ءَ چاگردی رابطہ ءِ ویب سائٹ ٹوئیٹر ءَ وتی یک کلوہے ءَ آئی ءَ گوشت کہ فروری 2020 ءَ زر ءَ آدیم نندوکیں پاکستانی آنی نیمگ ءَ روان داتگیں زر 8۔1 ارب ڈالر بوتگ ءُ فروری 2019 ءِ مٹ ءَ فروری 2020 ءِ ساھت ءَ زر آنی گرگ ءُ مچ کنگ ءِ پڑ ءَ 15 درسد گیشی بوتگ۔ آئی ءَ گوشت کہ جاڑیگیں مالی سال ءَ جولائی تاں فروری 2020-2019 ءِ ساھت ءَ زر ءِ گرگ ءُ مچ کنگ ءِ پڑ ءَ 4۔5 درسد گیشی ءَ گوں 1۔15 ارب ڈالر ءَ تاں گیش بوتگ انت۔
