اسلام آباد ۔ 11 مارچ (اے پی پی) وزیر ءِ درئی کار شاہ محمود قریشی ءَ زرباری پنجاپ سیکرٹریٹ ءِ برجائی ءُ صوبگ ءِ زرباری پنجاپ ءِ واستہ اسمبلی ءَ بل پیش کنگ ءِ پیسلہ ءِ ھوالگ ءَ گوشت کہ مرچیگیں روچ ءَ زرباری پنجاپ ءِ واستہ نمیرانیں روچ ات چیا کہ ما زرباری پنجاپ سیکرٹریٹ ءِ برجائی ءِ نیمگ ءَ مھکمیں گام جنگ ءَ آں۔ چار شمبے ءَ وتی ٹویٹ ءَ آئی ءَ گوشت کہ مرچگیں پیسلہ ءَ چہ زربارئی پنجاپ ءِ کوھنیں ضلورت پیلو بنت ءُ سرمایہ کارری ءُ روزگار ءِ گیشاں چہ گیش موہ پیداک بیت۔ اے پیسلہ مارا زرباری پنجاپ ءِ جتائیں صوبگ ءِ جوڑ کنگ ءَ پکوئیں سیم سر آنی نزیک ءَ بر اَںت۔ آئی ءَ گوشت کہ اے پیسلہ ءَ چہ پی ٹی آئی ءِ گچین کاری سوگند آناں ھم پکوئیں رنگ دیگ بیت۔
