اسلام آباد – 11ماچی (اے پی پی ) پاک فضائیہ ءِ سروک ائیر چیف مارشل مجاہد انور خان ءَ را جنگی جہاز ءِ کریش بوھگ ءِ پد ءَ شہید بوھوکیں ونگ کمانڈر نعمان اکرام ءَ را جوانیں نشانگ بندگ ءِ پد ءَ شیر افگن ٹرافی ءِ داد دات۔ لاہور ءَ چہ سیادی داروکیں ونگ کمانڈر نعمان اکرم ءِ پت ھم فوج ءَ بوتگ آ بریگیڈیئر ءِ اگدہ ءِ سر ءَ ریٹائر بوتگ، نعمان اکرم ءِ یک بچیں چُک ات ءُ یک جنکیں زھگ ات۔ پاک فضائیہ ءِ پائلٹ ونگ کمانڈر نعمان اکرم چار شمبے ءِ سہب ءَ اسلام آباد ءِ دمگ شکر پڑیاں ءِ نزیک ءَ ایف 16 بالیگ ءِ کپگ ءَ شہید بوتگ، آ 23 مارچ ءَ یوم پاکستان ءِ رد ءَ برجم داشتگیں مراگش ءِ واستہ ایکسرسائز آنی تہ ءَ ھوار ات۔ آ سال 2000 ءَ 106 یک سد ءُ ششمی جی ڈی پائلٹ کورس ءَ چہ پاس آوٹ بوتگ ءُ آئی یے سیادی سرگودھا ءَ پوسٹیں نائن اسکواڈرن ءَ بوتگ۔
