ملک ءِ آبادی ٹی ودکی و جان جوڑی نا ویل کون آ چیلنج آک مون تروک ءُ، صدر مملکت ڈاکٹر عارف علوی نا آبادی نا بابت آن پارلیمانی فورم نادود آن تران

اسلام آباد۔ 11مارچ(اے پی پی) صدر مملکت ڈاکٹر عارف علوی پارینے کہ ملک ءِ آبادی ٹی ودکی و جان جوڑی نا ویل کون آ چیلنج آک مون تروک ءُ، ہر بشخ اٹی مون آ ہِننگ کن تینا اولیت و ہدف آتے پیدوار کروئی مریک، نن تینا راجی و شاری فرض آتیان بایدے معلومدار مرین۔ داخیال آتادرشانی ءِ او چارشنبے نادے آ آبادی نا بابت آن پارلیمانی فورم نا بناءِ کننگ نا دود آن تران کرسا کرے۔ صدر مملکت پارے کہ ملک ءِ آبادی ٹی ودکی و جان جوڑی نا ویل کون آ چیلنج آک مون تروک ءُ ۔ ہر بشخ اٹی مون آہِننگ کن تینا اولیت و ہدف آتے پیدوار کروئی مریک۔ اوپارے کہ نن بایدے ایلو ملک آتا سرسہبی و بے سہبی تیان ہیل کین۔ ویل اسے ایسر کننگ کن اول ویل انا وڑءِ پہہ مننگ المی مریک۔ اوپارے کہ نن بایدے تینا راجی و شاری فرض آن معلومدار مرین۔ اوپارے کہ بدبختی اٹ پاکستان اٹی سینہ نا کینسر نا کچ 5درسد ءِ۔ مچ آ دنیا ٹی سینہ نا کینسر نا کچ 3درسد ءِ۔ صدر مملکت پارے کہ پاکستان اٹی ہیپاٹائٹس نا مریض آتا کچ جم آبادی نا 10درسد اسکان سرمسنے۔ مصر اٹی ہیپاٹائٹس نا مریض آتے ٹی نمان کمتی کرینے۔