اسلام آباد۔ 11مارچ(اے پی پی) وزارت جان جوڑی نا ترجمان پارینے کہ کورونا وائرس آن بچنگ کن گام گیج کننگ انگ ءِ ، گلگت بلتستان اٹی کورونا وائرس نا تشخیص نا آسراتی قومی ادارہ جان جوڑی نا کمک اٹ فراوان کننگ انگ ءِ ، قومی ادارہ جان جوڑی نا چاہندارآتا ٹیم سکردو آروانہ مسنو۔ چارشنبے نادے آ اسہ بیان اسے ٹی ترجمان پارے کہ وزیراعظم نا خصوصی کمکار قومی جان جوڑی ڈاکٹر ظفر مرزا نا پارت آ قومی ادارہ جان جوڑی نا چاہندار آتا ٹیم اس سکردو آ روانہ مسنے ہرا پنچ شنبے آن باقاعدہ محکمہ جان جوڑی نا عملہ نا تربیت نا بناءِ کیرہ۔ اوپارے کہ چاہندار آتاٹیم اسہ ہفتہ اسکان سکردو ٹی مریرہ۔ گلگت بلتستان اٹی کورونا وائرس نا تشخیص نا آسراتی قومی ادارہ جان جوڑی نا کمک اٹ فراوان کننگ انگ ءِ ۔ او پارے کہ لیبارٹری نا عملہ نا تربیت نا کاریم پورو مسنے۔ لیبارٹری ءِ المی ازباب ہم فراوان کننگانے۔ کوروناوائرس نا ٹیسٹ اکن کٹس ہم فراوان کننگانے۔
