اسلام آباد۔ 11مارچ(اے پی پی) وزارت خارجہ نا ترجمان پارینے کہ وزیراعظم عمران خان نا اقتصادی پالیسی تیا پت و اقتصادی سرجزآتے ٹی ودکی نا سوب آن اینخو مالی سال انا بنائی 7 تُو اٹی ترسیلات زر اٹی 5.4 درسد نا ودکی مسنے۔ چارشنبے نادے آ اسہ بیان اسے ٹی اوپارے کہ اینخو مالی سال اٹی جولائی 2019 ء آن فروری 2020ء اسکان ترسیلات زر انا کچ 15 ارب 10کروڑ ڈالر ریکارڈ کننگانے وخت اس کہ فروری 2020ء ٹی ترسیلات زر فروری 2019ء نا مقابلہ ٹی 15 درسد زیات مسنے و فروری 2020ء ٹی اسہ ارب 80کروڑ ڈالر مسنے۔ ترسیلات زر اٹی ودکی وزیراعظم عمران خان نا اقتصادی پالیسی تیا پیشن نا ملک پاکستانی تا پت انا درشانی ءِ۔
