اسلام آباد۔ 11مارچ(اے پی پی) پاک فضائیہ نا ایف 16 جہاز 23مارچ انا پریڈ نا ریہر سل اٹی شکرپڑیاں نا خڑک جنگل اٹی تمسا بھس مسنے، جہاز انا پائلٹ نعمان شہید مسنے، کانود نافذ کروک آادارہ غاک واقعہ نا جاگہ ءِ گھیڑ اٹی ہلسا کمکی سرجزآتا بناءِ کرینو۔ واقعہ نا جاگہ غان بڑز مروک آموڷ بنجائی دارالحکومت اٹی مر مر اسکان نظر بس۔ ترجمان پاک فضائیہ نا رداٹ ایئر فورس نا ایف 16 جہاز ہرادے پائلٹ نمعان بال تسکہ 23مارچ نا پریڈ نا ریہرسل اٹی بشخ ہلککہ ہرا اناگت شکرپڑیاں نا خڑک آتمسا بھس مس۔ شکست نا سوب ءِ معلوم کننگ کن ایئر ہیڈ کوارٹر اٹی بڑزکو کہولی کمیٹی اس ٹہیفنگانے ۔ ایلو کنڈآ شکست نا حوال ملنگ تون راولپنڈی اسلام آباد آن سیکورٹی فورس آک، کانود نافذ کروک آادارہ غاک و کمکی ٹیمک واقعہ نا جاگہ غا سرمسر۔
