ھاسیں کمکار ڈاکٹر فردوس عاشق اعوان ءِ بنجاھی کابینہ ءِ دیوان ءَ چہ پد بریفنگ ءِ ساھت ءَ جتا جتائیں جست آنی پسو

اسلام آباد ۔ 10 مارچ (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ ملکی معیشت ءَ را وینٹیلیٹر ءِ سر ءَ یل کنوک آناں الس ءَ سنگ ریچ کتگ ءُ ایشرا پارلیمنٹ ءَ چہ زرتگ ءُ داتگ، ن لیگی سروکی یے وتی معیشت ءُ کاروبار ءِ تہ ءَ اسل ءَ بد ھالی اتکگ، برات ءَ بدکلامی ءَ توامیں سیم سر جمپ کتگ انت ءُ وتی گواچنی ءِ آدینک ءَ را سہرا کنان ءَ سرپد کتگ کہ آ وتی مات، گوھار ءُ جنک ءُ ایشی ءِ شرپ ءُ ازت ءِ بابت ءَ سرپد نہ انت، ایم کیو ایم ءِ توامیں دلرنجی آناں ساپ کناں زوت ایم کیو ایم دووارگ کابینہ ءِ بھر جوڑ بیت، کرونا وائرس ءِ علاج ءُ ایشی ءِ گر ءُ دار کنوکیں توامیں ملک آنی تہ ءَ ھم کرونا وائرس ترندی ءَ گوں شنگ ءُ تالان، پاکستان رکھینگی انتظامی، سرپدی ءُ سکریننگ ءِ سر ئَ دلگوش دیگ ءَ انت، پاکستان ءِ اُرد سرجمیں کوکا اے گامگیج ءَ حکومت ءِ گوما ھمگام ءَ اوشتاتگ۔ آ سئے شمبے ءَ بنجاھی کابینہ ءِ دیوان ءَ چہ پد بریفنگ ءِ ساھت ءَ جتا جتائیں جست آنی پسو ءَ دیگ ءَ ات۔ یک جستے ءِ پسو ءَ آئی ءَ گوشت کہ ن لیگ ءِ سروکی ءَ وتی پارلیمانی پارٹی ءِ دیوان ءَ کسو جت ءُ گوشداشت، یکجائی کسو جنگ ءُ گوشدارگ ءِ کار ءَ دزگٹی اے دیوان ءَ ن لیگ ءِ نیمگ ءَ ٹوھیں گپ سہرا بوت کہ معیشت ءِ پڑ ءَ را سنگ ریچ کنگ بوتگ ڈگار جنگ بوتگ ایشاناں یات نہ انت کہ آ معشیت وینٹیلیٹر ءِ سر ءَ یل کتگ ءُ شتگ، وھد ءِ آواں معیشت ءِ پڑ ءَ را ڈگار جت ، تاوان دات، گڈا الس ءَ آوانی جند آناں ڈگار ءَ جت ءُ پارلیمنٹ ءَ چہ ڈن ءَ دور دات۔ آئی ءَ گوشت کہ بھائی جان ءَ شرپ ءُ ازت ءِ توامیں سیم سر جمپ کتگ ءُ وتی سلیں زھنیت ءِ آدینک ءَ را سہرا کتگ، آ وتی مات ، گوھار ، جنکیں زھگ ءُ ایشانی شرپ ءَ چہ شری ءَ سرپد نہ انت، آئی ءَ گوشت کہ اے بدیں گال آں چہ پد آئی مات ءُ گوھار آنی گوما گپ کنگ ءَ پد آوانی گس ءِ چار ءُ تپاس گرگ لوٹ ایت، امیت انت کہ آوانی مات ءُ گوھار ایشاں چہ نہ رکھ اتگ انت۔