کجام ھم ایمرجسی ءَ گوں گر ءُ چیل بوھگ ءِ واستہ سرجمیں رنگ ءَ تیار آں، بنجاھ ءُ صوبگ آنی مھکمیں کورآرڈینیشن ءَ گوں گامگیج کنگ بوھگ ءَ انت، سیم سر ءَ آدیم آیوکیں مساپر آنی واستہ ٹوھیں گامگیج رد ءُ بند کتگ، ڈاکٹر ظفر مرزا ءِ گشتانک

ھاسیں کمکار برائے جان سلامتی ڈاکٹر ظفر مرزا ءِ سروکی ءَ ایمرجنسی کور گروپ ءِ دیوان، کرونا وائرس ءِ بابت ءَ مٹ بوھوکیں جاو ھال آنی سر ءَ چار ءُ تپاسی گرگ بوت
اسلام آباد ۔ 10 مارچ (اے پی پی) مزن وزیر ءِ ھاسیں کمکار برائے جان سلامتی ڈکٹر ظفر مرزا ءِ سروکی ءَ ایمرجنسی کور گروپ ءِ دیوان ءَ کرونا وائرس ءِ بابت ئَ مٹ بوھوکیں جاور ھال آنی چار ءُ تپاسی گرگ بوت۔ دیوان ءَ گوں گشتانک کنان ءَ ڈاکٹر ظفر مرزا ءَ گوشت کہ کجام ھم ایمرجنسی ءَ گوں گر ءُ چیل بوھگ ءِ واستہ سرجمیں رنگ ءَ تیار آں، توامیں ضلوری گامگیج آناں دل یکیمی کنگ ءَ انت۔ آئی ئَ گوشت کہ بنجاھ ءُ صوبگ آنی مھکمیں کورآرڈینیشن ءَ چہ گامگیج کنگ ءَ انت، سیم سر ءَ آدیم آیوکیں مساپر آنی واستہ یک ٹوھیں پالیسی ءِ رد ءُ بند کتگ۔ آئی ئَ گوشت کہ 14روچ ءِ سکیں سکریننگ ءَ چہ پد کنگ بوھگ ءَ انت، سیم سر ءَ چہ آدیم آیوکیں مسافر آنی ڈیٹا صوبائی حکومت آناں ھم پجارینگ بیت۔ ڈاکٹر ظفر مرزا ءَ گوشت کہ صوبائی حکومت آنی کمک ءَ چہ ڈیٹا ءِ وسیلگ ءَ نگرانی کنگ بوھگ ءَ انت، طور خم بارڈر ءِ سر ءَ سکریننگ ءِ جوانیں بست ءُ بند است انت۔ آئی ءَ گوشت کہ انٹرنیشنل ہیلتھ ریگولیشن ءِ پپنت ءُ شون ءِ وسیلگ ءَ کار آناں دل یکیمی کنگ بوھگ ءَ انت۔ آئی ءَ گوشت کہ تفتان بارڈر ءِ سر ئَ کرونا وائرس ءَ را کنٹرول کنگ ءِ واستہ یک جوانیں گامگیج بست ءُ بند کنگ بوتگ۔ آئی ءَ گوشت کہ کرونا وائرس ءِ شنگ ءُ تالان بوھگ ءَ را راجی ایمرجنسی پھمان ءَ ما درست یکجائی ءَ کار کنگ ءَ انت۔ ما وائرس ئِ کنٹرول کنگ ءِ واستہ وھد ءُ موہ ءِ تہ ءَ گامگیج کتگ۔