حکومت گریبی ءِ ھلاسی ءِ واستہ جزمیگ انتت، بد بھتی ءَ چہ الس ءِ سر ءَ زر ھرچ کنگ ءِ وھد ءَ راستیں گواچن ءَ را ڈلگچار کنگ بیت نہ کنت، کجام یک دمگے ءِ سر ءَ فنڈ ھرچ کنگ ءَ چہ دومی دمگ دیمروئی ءَ چہ زبھر بیت
اسلام آباد ۔ 10 مارچ (اے پی پی) مزن وزیر عمران خان ءَ گوشت کہ حکومت گریبی ءِ ھلاسی ءِ واستہ جزمیگ انت، اے مول ءُ مراد آنی در جنگ ءِ ھاترا ھساب ءُ داد بست ءُ بند کنگ ارزشتی انت، نیک راھ چاگردے مردم آنی پجار گریبیں مردم آنی نندگ ءُ پاداھگ ءَ چہ بیت، بد بھتی ءَ چہ الس ءِ سر ئَ زر ھرچ کنگ ءِ وھد ءَ راستیں گواچن ءَ را ڈلگچار کنگ بیت نہ کنت، کجام یک دمگے ءِ سر ئَ فنڈ ھرچ کنگ ءَ چہ دومی دمگ ءِ دیمروئی ءَ زبھر بنت ۔ اے ھیالانی درشانی آئی ءَ ڈیٹا فار پاکستان پورٹل ءِ بنگیج ءِ ھوالگ ءَ برجم داشتگیں دیوان ءَ گوں گشتانک دیان ءَ کت ۔ آئی ءَ گوشت کہ حکومت گریبی ءِ ھلاسی ءِ واستہ جزمیگ انت۔ اے مول ءُ مراد ءِ واستہ ھساب ءُ داد ءِ بست ءُ بند کنگ ارزشتی انت۔ نیک راھ چاگرد ءِ پجار گریبیں مردم آنی نندگ ءُ پاداھگ ءَ چہ بیت۔ آئی ءَ گوشت کہ بدبھتی ءَ چہ الس ءِ زر ھرچ کنگ ءِ وھد ءَ راستیں گواچن ءَ را ڈلگچار کنگ ءَ چہ دومی دمگ ءِ دیمروئی ءَ چہ زبھر بنت۔ آئی ءَ گوشت کہ ڈیٹا فار پاکستان ءِ وسیلگ ءَ مالومداری بیت کہ کجا فنڈز ھر چ کنگ ءِ ضلورت انت، ڈیٹا فار پاکستان ءِ ملک ءَ را سک باز ضلورت بوتگ، پیسلہ کنگ ءُ فنڈ آناں گیشینگ ءَ اے ھساب ءُ داد ءِ چیر دستی ءَ صوبائی مالیاتی ایوارڈ ءَ آسانی بیت، ھمزوریں تبک ءِ مردم آنی وشھالی ءَ چہ ملک دیمروئی کنت انت۔ ایشی ءَ چہ پیسر مراگش ءَ گوں مزن وزیر ءِ ھاسیں کمکار برائے چاگردی رکھینگ ، گریبی ءِ ھلاس کنگ ءَ کمکار ڈاکٹر ثانیہ نشتر ءَ گشتانک دیان ءَ گوشت کہ ویب پورٹل ءَ تاں ھمک شہری ءِ دست رس بیت، پورٹل ءِ سر ءَ سر جاڑی کتگیں ڈیٹا جتا جتائیں سروے ءَ چہ یک مُچ کنگ بوتگ۔ آئی ءَ گوشت کہ پورٹل ءِ سر ئَ جغرافیہ، جان سلامتی، وانگ ءُ زانگ ءُ روزگار ءِ ھوالگ ءَ مالوم داری زانتکاری است انت۔ پورٹل بنجاھی، صوبائی ءُ ضلعی تک ءَ ادارگ آنی پیسلہ کنگ ءَ ارزشتی ایں کرد ءِ پیلو کت کنت، پورٹل ءِ چیر دستی ءَ ھساب ءُ داد ءِ کچ ءُ کساس کنگ ءِ ھم آسراتی است انت۔ پورٹل ءَ 2004 ءَ چہ 2018ءَ تاں دیمروئی ءِ کساس ضلعی ڈیٹا ھوار انت۔ ڈیٹا فار پاکستان پورٹل ءِ میاں اوستمانی بینک ءِ کمک ءَ جوڑیشت کنگ بوتگ۔
