بیجنگ ۔ 10 مارچ (اے پی پی) چینی صدر شی جن پنگ سئے شمبے ءَ کورونا وائرس ءِ ایپی سینٹر ووہان شہر ءِ تروتاب کتگ۔جرمن ءِ رسانکدر ءِ گوشگ ءِ ردا چینی صدرءَ وتی اے تروتاب ءِ تہ متعدی نادراہیانی گرودار ءِ سینٹر ءِ چارءُ تپاس ھم کتگ۔ میڈیا ءِ سرا عکس کتگیں ندارگ ءِ تہ شی جن پنگ ءَ ماسک دیما مان کتگ ات۔وھدیکہ آہاں یک ویڈیو لنک ءِ وسیلگ ءَ میڈیکل سٹاف ءُ وائرس ءَ چہ آماچیں مردماں گوں تران ھم کتگ۔اے وائرس درستاں چہ پیسرءَ ووہان شہر ءِ تہ دیما اتکگ ات ءُ درستاں چہ گیش مردم ھم اے شہر ءِ تہ اے وائرس ءِ شکار بوتگ ات۔شی جن پنگ ءِ اے تروتاب ءَ را چین ءِ تہ اے وائرس ءِ ھوالہ چہ جاورگہتر بوھگ ات۔ووہان شہر ءِ ھوار سرجمیں صوبگ جنوری ءَ چہ سرجمیں لاک ڈاون انت ،چینءَ را اے وائرس ءِ گرودارءِ ھلاپ ءَ ھاسیں سوبمندی رستگ انت۔
