تمنی دمگانی ھاترا10سال ءِ تہ1325ارب کلدار ھرچ بنت
پشاور۔10 مارچ (اے پی پی)وزیر اعلی خیبر پختونخواہ محمود خانءِ سروکی ءَ سئے شمبے ءَ تمنی دمگانی عمائدینءِ شئورءُ صلاحی جرگہ برجم بوتگ،جرگہ ءِ تہ ضم بوتگیں ضلعہانی دیمروئی ءُ اُلسی جیڈھانی زوتیں حل ھاترا آوکیں حکمت عملی ءِ سرا شئورءُ صلاح کنگ بوتگ، قبائلی مشران ءِ ابید پارلیمنٹ باسکاں،ٹوھیں احوالکاراں ءُ صوبائی حکومت ءِ مزن تکی واکدارءَ ھم جرگہ ءِ تہ بھرزوراتگ، جرگہ ءَ را ضم بوتگیں دمگانی دیمروءی ءِ ھاترا دھ سالہ دیمروءی مراگش ءِ سرا سرجمیں بریفنگ دیگ بوتگ۔جرگہ ءَ را سرپد کنگ بوتگ کہ دھ سالہ دیمروئی مراگش ءِرداتمنی دمگاںی تہ 1325 ارب کلدارھرچ بنت۔ قبائلی ضلعہانی دراھیں منصوبگ تمنی دمگاں وت مہ وتی شئورءُ صلاح ءَ گوں بناء بنت، بریفنگءِ تہ سرپد کنگ بوتگ کہ ضم بوتگیں ضلعہانی ترند رپتاردیمروءی مراگش ءِ ردا دیمروئی منصوبگانی نشاندہی ءِ ھاترا دمگ ءِ اُلسی نماھندگانی سرا ھوا کمیٹی جوڈ دیگ بوتگ ات۔اے منصوبگانی سرانگہوانی ھاترا ایڈیشنل چیف سیکرٹری ءِ سروکی ءَ یک یکجاھیں ورکنگ گروپ ھم جوڈ دیگ بوتگ انت،بریفنگ ءِ تہ سرپد کنگ بوتگ کہ صحت انصاف کارڈ سکیم ءِ ردا تمنی دمگءِ12 لکھ مردم ءَ را دارودرمان ءِ مپت آسراتی پھجارگ بوھگ انت۔انصاف روزگار سکیم ءِ ردا دراھیں ضم بوتگیں ضلعہانی ھاترا یک ارب کلدار ایر کنگ بوتگ ات، 22 ہزار لیویز کارندہاں را پولیس ءِ تہ ضم کنگ بوتگ وھدیکہ 8 ہزار لیویز کارندہاں را زوت پولیس ءِ تہ ضم کنگ بیت،وانگی ادارگہانی تہ کمی ءُ ھرابی ءَ را دور کنگ ءِ ھاترا 3 ارب 86 کروڑ کلدار منظور کنگ بوتگ ات وھدیکہ نادراھ جاء ءَ را ضلوری آسراتی ءِ ھاترا 2 ارب 60 کروڑ کلدار منثور کنگ بوتگ ات، بریفنگءِ تہ حال دیگ بوتگ کہ جان سلامتی ءِ تک ءِ تہ تمنی دمگانی ھاترا 2 ہزار 333 نوکیں نوکری منظور کنگ بوتگ ات، تعلیم ءِ تک ءِ ھاترا 5 ہزار 500 نوکیں نوکری منظور کنگ بوتگ ات۔اے دراھیں نوکیں نکریانی کار جون2020 ءِ تاں سرجم کنگ بیت۔قبائلی ضلعہانی نودربراں ھاترا سکالرشپ دیگ ءِ ھاترا 75 کروڑ چہ گیش ءِ فنڈز ایر کنگ بوتگ ات۔ضم بوتگیں ضلعہانی تہ توان ءِ پھجارگ ءِ لہتیں منصوبگانی ھاترا 6 ارب کلدار ایر کنگ بوتگ ات۔وھدیکہ ضم بوتگیں ضلعہانی دراھیں گرڈ اسٹیشنز ءَ را 66 کے وی چہ 132 کے وی تاں اپ گریڈ کنگ بوھگ انت۔(ن۔ا۔ج)
