لاہور۔10مارچ(اے پی پی ) گور نر پنجاب چوہدری محمدسرور ءَ راجی ءُ صوبائی اسمبلیانی تہ ھاسیں مردمانی ھاترا ھم ھاسیں کرشی ءِ صلاح دیان ءَ گوشت کہ پنجاب ءِ راج دپترءِ تہ اولی رند ءَ سپیشل ایجوکیشن پالیسی دیم دیگ بوھگ انت،ڈاکٹر یاسمین راشدءَ ینگ ڈاکٹرز ءِ معاملہءَ چارگ انت،انشاء اللہ زوت دراھیں معاملہ حل بنت،کرونا وائرس ءِ گرودار ءِ ھاترا بنجاہی ءُ پنجاب حکومت سرجم الرٹ انت،ہروڈءِ جاورھال ءَ گوں دیم دیگ ءِ ھاترا ساجو انت۔آں سئے شمبے ءِ روچ ءَ الحمراءہال لاہور ءِ تہ ایجوکیشن ڈیپارٹمنٹءِ چیردستی”معذوری نہیں قابلیت ”ءِ موضوع ءِ سرا برجمیں سیمینار ءَ گوں تران ءُ مے ڈے ءَ گوں گپ ءُتران کنگ ات۔اے موہ ءِ سرا صوبائی وزیر اسپیشل ایجوکیشن سید جاوید اقبال بخاری،چیف ایگزیکٹواخوت ڈاکٹر امجد ثاقب،ڈاکٹر شاہین پاشا ءُ پنجاب یونیورسٹی ءَ چہ ڈاکٹر حمیرابانوءِ ھوار دگہ ھم ساڑی ات۔ گور نر پنجابءَ گوشت کہ چین ءِ گوما درستاں چہ گیش پاکستان ءِ سیادی انت ءُلہتیں چینی شہری لاہورءِ ھوار ملک ءِ دگہ شہراں کارءَ ھم کنگ انت بلے ایشی ءِ ابید ھداوند ءِ ھاس رحمت انت کہ پاکستان ءِ تہ انوں کرونا وائرس ءِ 15 نادراھ دیما اتکگ ات، ایشانی تہ ھم لہتیں نادراھ ترندی ءَ گوں جان دراھ بوھگا انت۔آہاں گوشت کہ ینگ داکٹر ءِ زہرشانی ءُ روانک ءِ سیادی انت تو صوبائی وزیر جان سلامتی یاسمین راشد وت ھم داکٹر انت،آں ینگ ڈاکتر ءِ جیڈھاں چہ سرپد انت۔اے ھاترا من ءَ امیت انت کہ جیڈھ زوت گیش ءُ گیوار بنت۔چوہدری محمدسرور ءَ گوشت کہ مروچی پنجاب ءِ تہ ھاسیں زھگانی ھاترا لاہورءِ ھوار سرجمیں پنجاب ءِ تہ 300ءَ چہ گیش ادارگ ہڈ انت ایشانی تہ 35ہزار ءَ چہ گیش نودربروانگی ءُ ہیلکاری ءَ زورگ انت۔اودا چہ زھگ ءَ را مپت وانگی ءِ ھوار فری کتاب،فری ٹرانسپورٹ ، فری یونیفارم ءُ800ماہانہ سکالر شپ دیگ بوھگ انت، سپیشل ایجوکیشن ءِ دراھیں ادارگہانی تہ استادانی ءُ سٹاف ءِ ھاترا بائیو میٹرک سسٹم ھم دیم اآرگ وشیں گپ انت۔
