اسلام آباد۔ 10مارچ(اے پی پی) امیر البحر ایڈمرل ظفر محمود عباسی نا کماشی ٹی کمانڈ اینڈ اسٹاف کانفرنس اٹی دا عزم انا درشانی ءِ کننگاکہ پاک بحریہ ہروڑنا حالیت آتون مون تننگ کن ہروخت تیار ءِ۔ ترجمان پاک بحریہ نا رداٹ نیول ہیڈ کوارٹرز اسلام آباد اٹی پاک بحریہ نا کمانڈ اینڈ اسٹاف کانفرنس اس اڈ ہلک۔ کانفرنس نا کماشی ءِ پاک بحریہ نا سروک ایڈمرل ظفرمحمود عباسی کرے۔ کانفرنس اٹی ڈیہہ نا سیکورٹی حالیت، پاک بحریہ نا آپریشنل تیاری، شونداری ڈٹ و ایلو اہم باندات آتا جاچ ءِ ہلنگا۔ نیول چیف ءِ پاک بحریہ نا برجا و آخبت نا ڈٹ آتیا حوال ہم تننگا۔ کانفرنس اٹی دا عزم انا درشانی ءِ کننگاکہ پاک بحریہ ہروڑنا حالیت آتون مون تننگ کن ہر وخت تیار ءِ۔ نیول چیف پاک بحریہ نا آپریشنل تیاری تیا است جمی نا درشانی ءِ کرے۔ کمانڈ اینڈ اسٹاف کانفرنس اٹی کشمیری تا جہد آجوئی نا مخ تفی نا ہم درشانی ءِ کننگا۔
