اسلام آباد۔ 10مارچ (اے پی پی) چیئرمین سینیٹ محمد صادق سنجرانی کورونا وائرس آن بچنگ کن آگاہی مہم نا بناءِ کرسا پارینے کہ پارلیمنٹ نا باسک آک، میڈیا الس اٹی آگاہی کن تینا کڑد ءِ ادا کیر، الس اٹی افراتفری و سنسی تالان کننگ نا جاگہ غا شعور تالان کننگے۔ سے شنبے نادے آ آگاہی مہم نا وخت آ اودفتر اٹی ماسک بینسا بننگ و رکھی گام گیج کننگ کن المی پارت ہم جاری کرے۔ اوپارے کہ پارلیمنٹ نا باسک آک و میڈیا الس اٹی آگاہی کن تیناکڑد ءِ ادا کیر۔ الس اٹی افراتفری و سنسی تالان کننگ نا جاگہ غا شعور تالان کننگے۔ اوپارے کہ جوان آگاہی نا سوب آن بھلا نسخان تیان بچنگ مریک۔ اوزور شاغا کہ ادارہ غاک اسہ ایلو نا رابطہ کاری ءِ ودفر و الس اسکان سہی حوال سرکیر۔
