اسلام آباد۔ 10مارچ (اے پی پی) وزیر مملکت ہاؤسنگ اینڈ ورکس شبیر علی قریشی پارینے کہ وزیراعظم عمران خان نا کماشی ٹی حکومت الس ءِ ریلیف تننگ ءِ، ہاؤسنگ تون اوار ہر بشخ اٹی الس تون کروک آ وعدہ غاتے پورو کننگ ءِ۔ داہیت ءِ او ”اے پی پی“ تون گپ و تران کرسا پارے۔ اوپارے کہ تحریک انصاف نا حکومت وزیراعظم عمران خان نا کماشی ٹی الس نا راجی آسراتی نا ایجنڈاءِ ہلسا چلینگ انگ ءِ ہرا الس نا اومیت آتا رداٹ ءِ۔ اوپارے کہ ہمووخت مر اف ہراتم مخالف آک ہم داہیت ءِ امنا کیرہ کہ وزیراعظم عمران خان ملک ءِ دا جاگہ غا ایس سرکرے ہرانا الس است خواہی ءِ کریرہ۔ اوپارے کہ حکومت ہاؤسنگ نا بشخ اٹی انقلابی گام گیج کننگ ءِ ہرانا زہم آک کم کٹیا کروک بندغ و اوفتا خاہوت اسکان سرمریرہ۔
