اسلام آباد۔ 10مارچ (اے پی پی) وزارت داخلہ اوغانستان تون ایب وکیب چمن بارڈر ءِ پین 7 دے اسکان بند کننگ نا پارت کرینے۔ وزارت داخلہ نا کنڈآن فرنٹیئر کور بلوچستان نارتھ نا آئی جی ءِ نوشتہ کروک آ مراسلہ ٹی معلومدار کننگانے کہ وزارت داخلہ 9 مارچ 2020ء آن پین 7 دے اکن چمن نا ہند آ پاک اوغان سیم ءِ بند تخنگ نا فیصلہ ٹی ودکی کرینے۔ دا فیصلہ ءِ ہڑتوم آ کنڈآتا الس نا فائدہ ٹی و کورونا وائرس نا تالانی نا خدشہ نا رداٹ کننگانے۔
