اسلام آباد۔ 10مارچ (اے پی پی) پاکستان اٹی چین نا سفیر یاؤجنگ پارینے کہ سی پیک نا ارٹ میکو مرحلہ ءِ فائنلائز کرینن، نن صنعتی بشخ اٹی کمکاری، پیدواری لائخی ٹی ودکی و اسیجا ڈٹ آتا است بڈی ءِ کننگ اُن، دا مرحلہ ٹی کشاری کمکاری ءِ ہم اوار کننگانے۔ داخیال آتا درشانی ءِ او سے شنبے نادے آ سی پیک اقتصادی زون نا بابت آن سیمینار آن تران کرسا کرے۔ چینی سفیر پارے کہ کشاری بشخ اٹی زرکاری کننگک، ارٹ میکو مرحلہ ٹی راجی کمکاری ءِ ہم اوار کننگانے، فنی تربیت اٹی کمکاری، چارمیکو چکار سائنس و ٹیکنالوجی نا بشخ آن بیدس پوسکن آ ٹیکنالوجی، اپلائیڈ ٹیکنالوجی و مینو فیکچررز اٹی کمکاری ءِ ودفنگک۔ اوپارے کہ ایس سی ایز اسیجا زرکاری و کمکاری ٹی خصوصی اہمیت تخرہ۔
