اسلام آباد ۔ 9 مارچ (اے پی پی) چیئرمین سینیٹ محمد صادق سنجرانیءَ پاکستان ءُ یورپی یونین ءِ میانءَ وت مہ وتی کمک ءَ را گیش مفید گوشان ءَ زندءِ لہتیں تک ءِ ھوار بیئپاری ءُ اقتصادی کمک ءَ را گیش پراھ کنگ ءِ ھاترا یورپی یونین،سینیٹ آف پاکستان ءُ پاکستانی ادارگ برائے پارلیمانی ہزمتءِ وت مہ وتی کمک ءَ گوں پاکستان ءِ تہ یک ھاسیں پریس کانفرنس ءِ برجم دارگ ءِ صلاح دیانءَ گوشت کہ ایشی ءَ چہ بیئپاری تک،پارلیمنٹ باسک ءُ ھاسیں ادارگ ءَ را نزیک آران ءَ یک قابل عمل حکمت عملی اختیار کنگ ءَ کمک رسیت۔ایشی ءَ چہ ملک ءِ تہ بیئپار،معیشت ءُ پارلیمانی تک ءِ تہ دودیمی کمک ءَ را گیش پراھی رسیت۔ سینیٹ سیکرٹریٹ ءِ گوشگ ءِ ردا دوشمبے ءَ چیئرمین سینیٹءِ گوما یورپی یونین ءِ سفیراندرولا کمینارا ءَ پاکستان ءِ ادارگ برائے برائے پارلیمانی خدمات ءِ ہیڈکوارٹر اسلام آباد ءِ تہ گند ءُ نند بوتگ ایشی ءِ تہ دودیمی کمک ءُ ادارہ جاتی رھوت ءِ سرا سرجمیں ھیال ریچی بوتگ۔ چیئرمین سینیٹ ءَ یورپی یونین ءِ نیمگا چہ دودیمی کمک ءَ را باز ھاس گوشتگ۔آہاں گوشت کہ بیئپاری تک ءِ تہ جی ایس پی پلس سرا یورپی یونین ءِ کمک ءِ ھاترا بازمنت واراوں مءے واھشت انت کہ اے کمک ءُ رھوت گیش پراھ بنت۔چیئرمین سینیٹ ءَ گوشت کہ پاکستان ءُ یورپی یونین ءِ بزنس کمیونٹی ءِ یک فورم ءِ جوڈ کنگ ءِ اشد ضلورت انت ایشی ءَ چہ بیئپارءَ را پراھی رسیت۔یورپی یونین ءِ سفیر ءَ پاکستانءَ را ھاسیں ملک قرار دیان ءَ گوشت کہ یورپین یونین پاکستان ءِ تہ جمہوریت، جمہوری اقدارءُ جمہوری ادارگہاں را سوگو چارگ لوٹگ انت۔ یورپین یونین ءِ سفیر ءَ پاکستان ءِ پارلیمنٹ ءُ یورپی یونین ءِ میان ءَ شریں رھوت ءَ را ساڑاتگءُ اے میت ءِ درشان کتگ کہ وھد گوزگ ءَ گوں ھوار سیادی گیش مھکم بنت۔
