مہمند ۔ 9 مارچ (اے پی پی) مزن وزیر عمران خان ءَ گوشت کہ مئے حکومت ئَ ملکی نظام ءَ را شر کنگ بندات کتگ۔ سکیں وھد آں چہ گوزگ ءَ انت، گران بھائی ءَ را گر ءُ دار کنگ بوتگ، امبار آناں سامان آنی چر دیوک ءُ گیش زرکمائینوک آنی یل نہ کناں، ھرچی بہ بیت ، گیس ءِ قیمت ءَ گران کنگ ءَ نئیلاں بلکینگ ءَ کم کناں، الس اچبر اے وڑیں پارٹی ءَ را ووٹ نہ دنت ھمائی یے در ملک ءَ ٹوھیں ماڑی ءُ اکائونٹس بہ بیت۔ درستیں مزن گردن ڈن ملک ءَ نشتگ انت، دزئی کنوک آناں لندن ءَ تچگ ءِ ضلورت نہ بیت۔ اوگانستان ءِ گوما تجارت ءِ واستہ سیم سر آرا پچ کنگ بیت، اوگانستان ءَ ایمنی منوگری ءِ کامیاتی ءِ واستہ دعا کنوک آں۔ اے ھیالانی درشانی آئی ئَ دو شمبے ءَ احساس کفالت پروگرام ءِ ھوالگ ءَ ادا برجم داشتگیں السی مچی ءَ گوں گشتانک دیان ءَ کت۔ مزن وزیر عمران خان ءَ احساس کفالت پروگرام ءِ چیر دستی ءَ کفالت کارڈ بھر ءُ بانگ کت۔ اے موہ ءِ سر ءَ سر وزیر خیبر پختونخوا محمود خان ءُ وزیر ءِ دیمپانی پرویز خٹک ، بنجاھی وزیر نیک راھی کار نور الحق قادری، مزن وزیر ءِ ھاسیں کمکار ڈاکٹر ثانیہ نشتر ھم موہ ءِ سر ءَ ساڑی ات۔ مزن وزیر ءَ جوانیں وش اتک کنگ ءِ پد ءَ الس ءِ شگرءُ منت گپت۔
