سیکورٹی فورس آتا بے مٹ قربانی تاسوب آن دہشت گردی چٹا
اسلام آباد۔ 09 مارچ (اے پی پی) وزیراعظم عمران خان ڈی آئی خان ٹانک اٹی دہشت گرد آتا برخلاف کارروائی آ سیکورٹی فورس آتے خراج تحسین پیش کرسا پارینے کہ مچ آ قوم پاکستان نا فوج و سیکورٹی ادارہ غاتا قربانی تا معترف ءُ۔ دوشنبے نادے آ وزیراعظم میڈیا آفس آن جاری بیان نارداٹ وزیراعظم دہشت گرد آتا مذموم مسخت آتے بے سہب کرسا جام شہادت نوش کروک آ کرنل مجیب الرحمان ءِ خراج عقیدت پیش کرینے۔ اوپارے کہ مچ آ قوم پاکستان نا فوج و سیکورٹی ادارہ غاتا قربانی تا معترف ءُ۔ سیکورٹی فورس آتا بے مٹ قربانی تا سوب آن دہشت گردی چٹاو امن نا شمع روشن مسنے۔ وزیراعظم شہید کرنل مجیب الرحمان نا درجہ غاتا بڑزی کن دعاہم کرے۔
