اسہ ایلو آ سم کاری ٹی پاک فوج انا کرنل مجیب الرحمان شہید، اِرا دہشت گرد خلنگار، آئی ایس پی آر
راولپنڈی۔ 09 مارچ (اے پی پی) سیکورٹی فورس آک ڈی آئی خان اٹی دہشت گردی نا بھلو کارروائی اسے بے سہب کریر، اسہ ایلو آ سم کاری ٹی پاک فوج انا کرنل مجیب الرحمان شہید مس و اِرا دہشت گرد خلنگار۔ آئی ایس پی آر نا رداٹ دہشت گرد آتا کارروائی نا ڈٹ بندی نا بارواٹی پک معلومداری آ سیکورٹی فورس آک ٹانک، ڈی آئی خان نا خڑک دہشت گرد آتا اودیم جاگہ ءِ ہندن کہ گھیڑ اٹی ہلکر، دہشت گرد آک سم کاری نا بناءِ کریر۔ آپریشن اٹی اِرا دہشت گرد خلنگار۔ اسہ ایلو آ سم کاری ٹی کرنل مجیب الرحمان شہید مس۔ آپریشن اٹی دہشت گرد آتا ٹھکانہ غان سلہہ و گولہ بارود نا اسہ بھلو کوڑی اس دوئی مس۔ کرنل مجیب الرحمان شہید نا تعلق استور نا علاقہ بونجی آن ئس۔ شہید کرنل مجیب الرحمان نا پدسلوک آتے ٹی جنوزان، مسہ مار و اسہ مسڑ اسے۔
