چاگڑدی بدلی کون آ قومی سلامتی نا ویل اتون مون تننگ کن اسیجا کوشست آتا گرج ءِ
اسلام آباد۔ 09مارچ (اے پی پی) امیر البحر ایڈمرل ظفر محمود عباسی پارینے کہ چاگڑدی بدلی کون آ قومی سلامتی نا ویل اتون مون تننگ کن اسیجا کوشست آتا گرج ءِ او پاک بحریہ نا ہتم نا شجر کاری مہم نا بناءِ کننگ نا دود انا وخت آ تران کریکہ۔ تدوک آ سرسہب شجرکاری مہم آتیان پد پاک بحریہ دا سال ملک انا چندی بشخ آتے ٹی 40 لکھ آن زیات نیال خلنگ نا ہدف ءِ مقرر کرینے۔ ترجمان پاک بحریہ نا رداٹ امیر البحر ایڈمرل ظفر محمود عباسی نیول ہیڈ کوارٹرز اٹی نیال اس خلسا شجر کاری مہم نا بناءِ کرے۔ داوخت آ تینا تران اٹی اوپارے کہ چاگڑدی بدلی کون آ قومی سلامتی نا ویل اتون مون تننگ کن اسیجا کوشست آتا گرج ءِ، چاگڑدی نظام ءِ گچین کننگ اٹ پاک بحریہ مدام تینا پبی کڑد ءِ ادا کرینے، ملک اٹی جنگل آتا رقبہ ءِ ودفنگ و گلوبل وارمنگ نا زہم تے کم کننگ کن پاک بحریہ خصوصی وڑاٹ شجر کاری مہم ءِ مون آ دننگ ءِ۔ شجر کاری نا بناءِ کننگ نا وخت آ مہم نا سرسہبی کن خصوصی دعا کننگا۔
