مچ آ قوم دہشت گردی نا برخلاف جنگ اٹی یکجا و پرعزم ءُ
صدر مملکت ڈاکٹر عارف علوی نا ٹانک اٹی دہشت گرد آتا برخلاف کارروائی ٹی جام شہادت نوش کروک آ پاک فوج انا کرنل مجیب الرحمان ءِ خراج عقیدت
اسلام آباد۔ 09مارچ (اے پی پی) صدر مملکت ڈاکٹر عارف علوی ٹانک اٹی دہشت گردی آتا مذموم مسخت آتے بے سہب کرسا جام شہادت نوش کروک آ پاک فوج انا آفیسر، کرنل مجیب الرحمان ءِ خراج عقیدت پیش کرے۔ دوشنبے نادے آ ایوان صدر آن جاری بیان نا رداٹ صدر مملکت کرنل مجیب الرحمان شہید نا درجہ غاتا بڑزی و خاہوت کن صبر و جمیل نا دعا کرے۔ صدر مملکت پارے کہ سیکورٹی فورس آک بے مٹ قربانی ترسا ملک آن دہشت گردی ءِ چٹفینو۔ اوپارے کہ مچ آ قوم دا ناسور نا برخلاف جنگ اٹی یکجا و پرعزم ءُ۔
