وزیر داخلہ اعجاز احمد شاہ نا ڈی آئی خان اٹی دہشت گردآتا جلہو ءِ بے سہب کننگ آ سیکورٹی فورس آتے خراج تحسین، شہید کرنل مجیب الرحمان ءِ خراج عقیدت

اسلام آباد۔ 09 مارچ (اے پی پی) وزیر داخلہ اعجاز احمد شاہ ڈیرہ اسماعیل خان اٹی دہشت گرد آتا جلہو ءِ بے سہب کننگ آ سیکورٹی فورس آتے خراج تحسین پیش کرینے۔ وزارت داخلہ نا کنڈآن دوشنبے نادے آ جاری بیان نا رداٹ وزیر داخلہ اعجاز احمد شاہ ڈیرہ اسماعیل خان اٹی دہشت گردی نا جلہو ءِ بے سہب کننگ اٹ جام شہادت نوش کروک آ پاک فوج انا آفیسر، کرنل مجیب الرحمان ءِ خراج عقیدت پیش کرے و اونا درجہ غاتا بڑزی کن دعا کرے۔ وزیر داخلہ پارے کہ دا مشکل وخت اٹی اونا خاہوت تون سلوک اُن۔ اوپارے کہ شہید آتا قربانی تے مدام یات تخنگک۔