اسلام آباد۔ 09 مارچ (اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزا پارینے کہ پولیو نا چٹفنگ کن گچین و سوگو حکمت عملی آ عملدرآمد برجاءِ، ہائی رسک یونین کونسل آتے ٹی پولیو نا وائرس نا چٹفنگ کن گام گیج آتے پک کننگ انگ ءِ، حکومت پولیو نا چٹفنگ کن پرعزم ءِ، دسمبر نا مقابلہ ٹی فروری مہم زیات سرسہب ئس۔ داخیال آتا درشانی ءِ او دوشنبے نادے آ تینا کماشی ٹی پولیو نا ساڑی حالیت آتا جاچ دیوان آن تران کرسا کرے۔ دیوان اٹی پولیو نا نیشنل کوآرڈنیٹر رانا صفدر و ایلوغٹ اسٹیک ہولڈر آک ساڑی ئسر۔ خصوصی کمکار پارے کہ پولیو نا چٹفنگ کن گچین و سوگو حکمت عملی آ عملدرآمد برجاءِ۔ ہائی رسک یونین کونسل آتے ٹی پولیو نا وائرس نا چٹفنگ کن گچین گام گیج آتے پک کننگ اُن۔ حکومت پولیو نا چٹفنگ کن پرعزم ءِ۔ اوپارے کہ دسمبر نا مقابلہ ٹی فروری مہم زیات سرسہب ئس۔ مہم نا سرسہبی ٹی میڈیا نا مثبت کڑد ستاکڑزوک ئس۔ اوپارے کہ پولیو ویکسین کنفنگ آن نمن لمہ و باوہ غاتا کچ اٹی کمتی بسنے۔ مہم اٹی سرسہبی ٹی پولیو ورکرز آک ہم ءُ کڑد ادا کریر۔ اپریل 2020ء ٹی مروک آ قومی مہم اٹی پین سرسہبی دوئی کینہ۔ اجتماعی کوشست آتیان زوت پاکستان ءِ پولیو فری ملک اس جوڑ کینہ۔
