الس ءِ کورونا وائرس آن بچفنگ کن ہروڑ نا گام گیج مسنے
اسلام آباد۔ 09 مارچ (اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزا پارینے کہ کورونا وائرس آن الس ءِ بچفنگ کن ہروڑنا گام گیج کننگ اُن، کورونا وائرس آن خلوئی اف اواری اٹ مقابلہ ءِ کروئی ءِ، مچ آ ملک آن 289 مشتبہ کیس آتا نمونہ غاتا ٹیسٹ مسنے۔ دوشنبے نادے آ وزارت جان جوڑی نا کنڈآن جاری بیان نا رداٹ خصوصی کمکار پارے کہ الس ءِ کورونا وائرس آن بچفنگ کن ہروڑنا گام گیج کننگ اُن۔ پیرامیڈیکل اسٹاف و ڈاکٹر جاری کروک ایس او پیز آ سختی اٹ عملدرآمد کننگ ءُ۔ اوپارے کہ بنجا و صوبہ غاک کورونا وائرس آن بچنگ کن ہسپتال و جتا ءُ کمرہ جتا کرینو۔ نن سوگو وڑاٹ صوبائی حکومت آتون اواری اٹ قومی ایکشن پلان نا رداٹ کاریم کننگ اُن۔ اوپارے کہ کورونا وائرس آن خلوئی اف اواری اٹ مقابلہ ءِ کروئی ءِ۔ مچ آ ملک آن 289 مشتبہ کیس آتا نمونہ غاتا ٹیسٹ مس۔ اوپارے کہ داوخت اسکان شش کیس رپورٹ مسنو۔ اسہ مریض اس پورو جان جوڑ مسنے۔ اوالس ءِ پارت کرے کہ او حفظان جان جوڑی نا اصول آتیا عمل کرسا احتیاطی تدابیر اختیار کیر۔ ہر جکہ و زکام کورونا وائرس مفک۔
