اسلام آباد۔ 7 مارچ (اے پی پی) اقتصادی زانتکارءَ گوشت کہ کورونا وائرس ءِ تالان ءَ چہ پاکستان ءِ تہ سٹیل ءُُ پیپر انڈسٹری ءِ ھوار کیمیکلز،فارماءُُ بینکاری ءِ تک آماچ بوت کن انت۔ سپیکٹرم سیکیورٹیز لمیٹڈ ءِ رپورٹ ءِ ردا اگہ کرونا وائرس ءِ معاملہ لہتیں ماہ دیما جزایت تو راجی معیشت ءِ لہتیں تک ءِ کارکردگی ءِ اثر کپ ایت۔چین ءِ تہ لاک ڈاون ءِ سبب ءَ پاکستان ءِ تہ سٹیل ءُُ پیپر انڈسٹریز اماچ بہ بنت پرچہ کہ اے صنعت وتی ھاترا کچہ ءِ مال ءَ چین ءَ چین ءَ چہ لوٹارینگ انت۔ رپورٹ ءِ ردا کورونا بحران ءِ سبب ءَ ملک ءِ تہ کیمیکلز،فارما انڈسٹری ءُُ بینکاریءِ تک ءِ کارکردگی ءِ سرا منفی اثر مان بوھگ ءِ گمان انت۔
