اسلام آباد ۔ 8 مارچ (اے پی پی) صدرمملکت ڈاکٹر عارف علوی ءَ گوشت کہ ہمک ھاندان ءِ تہ زھگ ءِ اولی درسگاہ مات ءِ جھولی بوھگ انت،زالبول ءَ را وت واک کنگ ءِ ابید چاگرد ءِ تہ مقام زورگ گران انت، زالبول ءِ جان سلامتی ،وانگءُزانگ،گس ءُاُلسی جاگہ ءِ سرا رکھگ ءُمعاشی ءُ وراثتی حقانی پھجارگ چاگرد ہمک مردم ءِ زمہ واری انت،جید علماء کرام ءِ ھوالہ چہ شریں کرد ادا کنگ ءِ ھوالہ چہ چاگردءِ تہ زالبولانی حق ءِ ھوالہ چہ چاگردءِ تہ زالبولانی شرءِ کردءَ ادا کن انت۔اے ھیالانی درشان آہاں زالبولانی میاں اوستمانی روچ ءِ درگت ءَ برجمیں مراگش ءَ گوں تران کنان ءَ کتگ ات۔ صدر ڈاکٹر عارف علوی ءَ گوشت کہ ادارگہانی تہ زالبول ءَ را آسراتی پھجارگ باز الم انت۔ وراثت ءِ ایوکا کانود انت ایشی ءِ تہ مقدمہ کسء آمیدگس ءِ تہ ھم بیت تو زالبول بنجاہی محتسب ءِ تہ وتی شکاست زرت بیا انت۔آہاں گوشت کہ ہمک ھاندان ءِ تہ زھگ ءِ اولی درسگاہ مات ءِ جھولی انت۔مارا وتی زھگانی وانگی،ہیلکاری ءُاخلاقیات ءِ سرا ھاسیں دلگوشی دیگ ءِ ضلورت انت۔آہاں گوشت کہ پاکستان ءِ یک راج دپتر انت،یک ہمہ سیاسی راج دپتر انت آئی ءَ چہ حال رسگ انت کہ مئے سیاسی اکابرین ءَ چے وڈءَ انگریز ءُ بکال ءَ چہ چے رنگ ءَ اآجوئی گپتگ ءُ دومی نیمگا سرسید احمد خان ءِ شخصیت انت آہاں گوشت کہ علمءَ وانیتءُ اگہ شمہ علم ءَ حاصڷ مہ کن ایت تو پدا کپ ایت۔آہاں گوشت کہ مئے کرءَ وانگی ءِ پڑءَ زالبولانی مقابلہ ءِ تہ دیم بوھگ انت بلے عملی زند ءِ تہ زالبول ھم زالبول پدا کپگ انت۔اے ھاترا مارازالبولءَ را پیشہ ءِ تہ موہ دیگ ءِ ضلورت انت تنکہ چاگرددیمروئی کت کن انت۔ڈاکٹر عارف علوی ءَ گوشت کہ زالبول ہمک تبک ءِ تہ ھاسیں کرد ادا کنگ انت وانگی ءِ تک ءِ تہ ھم زالبول ءَ وتی بود ءَ من اتکگ بلے پدا ھم ایشیانی کساس کم انت۔مارا ادارگہانی تہ زالبول آں را آسراتی پھجارگی انت۔ صدر ءَ گوشت کہ ڈویلپڈءِ ملک ءِ تہ زالبول ءِ جیڈھ ءَ را حل کنگ ءِ کوشست کنگ بوھگ انت۔آہاں گوشت کہ مءے کرءَ جیڈھ بوھگ انت بلے اے جیڈھءَ چہ موہ ودی کنگ بوھگ انت ءُ اے رنگءَ کنگءَ چہ منزل متعین بوھگ انت۔آہاں گوشت کہ تنیگہ یک درسد زالبول ءِ تہ ورک پلیس ءِ سرا ہراسمنٹ ءِ واکءیہ ءِ رپورٹ کنگ ءِ ہمت بوتگ۔مات ،گہارءُ جنک ءَ را لوٹ ایت کہ شمہ رپورٹ نہ کن ایت تو بدلی ءِ رپتار کم بیت۔آہاں گوشت کہ زالبول ءَ را وت واک کنگ ءِابید چاگردی ءِ تہ شریں مقام زورگ گران انت۔ صدر مملکت ءَ گوشت کہ قران مجید ءِ تہ زالبولءِ نامءَ دو سورت ساڑی انت ءُقران ءِ تہ زالبول ءِ وراثت ءِ سرا باز زور دیگ بوتگ۔
