لاہور۔8مارچ(اے پی پی )بنجاہی وزیر برائے ریوینیو حماد اظہر ءَ گوشت کہ استیں حکومت اُلسی ہزمت ءِ سرا سدکی دارگ انت اے مکسد ءِ ھاترا ممکنہ وسیلگ کارمرز کنگ بوھگ انت۔آں یکشمبے ءَ ادا صوباءی حلقہ 151 ءِ تروتاب ءُ لہتیں دیمروئی منصوبگءِ سرا کار ءِ بنداتی ءِ موہ ءِ سرا اُلسی مچی ءَ گوں تران کنگ ات۔بنجاہی وزیر ءَ گوشت کہ پی ٹی آئی اُلس ءَ گوں کتگیں قول ءُ قرار ءَ سرجم کن ایت ءُ اُلس ءَ را کجام دروشم ءَ مایوس مہ کنا یت۔مئے زند ءُ مرگ مہلوک ءَ گوں انت۔اُلسی ہزمت ءِ سفر جاڑی ایر کن ایت۔آہاں گوشت کہ بیءپاری تاوان ءِ تہ کمی ءُ برآمدات ءِ تہ ودکی پی ٹی آئی حکومت ءِ راستیں معاشی پالیسیانی اآسر انت۔راج ءَ گرانیں وھد گوازینت انت۔آوکیں روچ دیمروئی ءُ وشھالی ءِ نوید کارایت۔آہاں گوشت کہ حکومت ءَ را ورثہ ءِ تہ ملت گیں تباہ حال معیشت ءِ سبب ءَ گرانیں پیسلہ کنگ بوتگ ات بلے اے گرانیں پیسلہ آنی شریں آسردیما آھگ انت۔اے موہ ءِ سرا صوبائی وزیر صنعت ءُ بییئپار میاں اسلم اقبال ءَ گوشت کہ اُڷس ءِ جیڈھ ءِ حل ءُ گہتریں آسراتی اولی دلگوشی انت۔مہ اوگام نہ بلکہ عملی گامگیج ءِ سرا سدکی دارگ اوں ءُ اے گپے پدرائی انت کہ پنجاب حکومتءِ ہمہ فلاحی گامگیج انت گوستگیں دوسال ءِ تہ کتگ انت وھدیکہ (ن) لیگ پنجاب ءِ سرا سالءَ چہ حکومت کنگ ءِ ابید گام چست کت مہ کتگ ات۔بنجاہی وزیر حماداظہر ءُ میاں اسلم اقبال ءَ دیمروءی منصوبگانی تچکی افتتاح کتگ۔اے موہ سرا انچارج پی پی151میاں افضل اقبال، جنرل سیکرٹری سمن آباد ٹان میاں امجد اقبال، صدر پی پی 151میاں زاہد جاوید ءُ ءِ ھوار مردمانی مزنیں کساس ءَ بھر زوراتگ۔
