پاکستانیت ءَ را سہرا کنگی انت، شرپ ءُ ازت ءَ ھوار دود ءُ ربیدگ ءِ رکھینگ ءُ دیمروئی مئے اولی کار انت، مزن وزیر عمران خان ءِ پاکستانی فلم انڈسٹری ءِ برجائی ءِ ھوالگ ءَ دیوان ءَ گشتانک

اسلام آباد ۔ 6 مارچ (اے پی پی) مزن وزیر عمران خان ءَ گوشت کہ پاکستانیت ءَ را سہرا کنگ لوٹ ایت ءُ مئے چاگرد ءِ دود ءُ ربیدگ ءُ شرپ ءُ ازت ءُ رکھینگ مئے اولی کار انت، حکومت ملک ءِ راستیں پجار ءَ را سہرا کنگ ءَ کوشست آنی گیشاں چہ گیش کمک ءَ کنت۔ اے ھیالانی درشانی مزن وزیر عمران خان ءَ پاکستانی تامر انڈسٹری ءِ برجائی ءِ ھوالگ ءَ آدینگ ءِ روچ ءَ وتی سروکی ءَ دیوان ءَ گشتانک دیان ئَ کت ۔ دیوان ءَ ھاسیں کمکار شنگ کاری ءُ اھوالکاری ڈاکٹر فردوس عاشق اعوان، ھاسیں کمکار سید ذوالفقار عباس بخاری، سیکرٹری اھوالکاری اکبر حسین درانی ، فراز چوہدری، پیر سعد احسن الدین، زوریز لاشاری ءَ بھر زوری کت۔ دیوان ءَ فلم انڈسٹری ءِ برجائی ھاسیں رنگ ءَ سینیما ءِ شوبگ ءِ ھوالگ ءَ جیڈھ اآنی سر ءَ گپ ءُ تران کنگ بوت۔ شریکیں مردم آں فلم انڈسٹری ءُ سینیما ءِ دیمروئی ءِ ھوالگ ءَ جتا جتائیں شور ءُ سلاھ مزن وزیر ءَ را پیش کت انت۔ مزن وزیر ءَ دیوان ءَ گوں گشتانک دیان ءَ گوشت کہ مئے اولی کار پاکستانیت ءَ را سہرا کنگ ءُ مئے چاگرد ءِ دود ءُ ربیدگ ، شرپ ءُ ازت ءِ رکھینگ انت۔