بلوچستان وارخواہی تا گل زمین ءِ، چندی بشخ آتیٹی زرکاری نا وارخواہی و گمان تے دنیا نا مون آ پیش کننگ اُن، وزیراعلیٰ بلوچستان جام کمال خان

کوئٹہ۔ 06 مارچ(اے پی پی) وزیراعلیٰ بلوچستان جام کمال خان پارینے کہ بلوچستان وارخواہی تا گل زمین ءِ، چندی بشخ آتیٹی زرکاری نا وارخواہی و گمان تے دنیا نا مون آ پیش کننگ اُن، بلوچستان چار ریجن آ تالان ءِ و ہر ریجن موسم، قدرتی وسیلہ و جغرافیائی وڑاٹ جتا ءُ خصوصیت اس تخک۔ داوڑنا خاصیت پین ڈیہہ اسے ٹی بھاز کم مریک۔داخیال آتا درشانیءِ او چندی بشخ آتے ٹی زرکاری کروک آ کنسورشیم نا عہدیدار آتا ڈل اسے تون گپ وتران کرسا کرے ہرا مسٹر راجر ڈ گلس ہارٹ نا کماشی ٹی اوڑتون اوڑدہی کریر، چیف سیکرٹری بلوچستان فضیل اصغر و سی ای او بلوچستان بورڈ آف انوسٹمنٹ فرمان زرکون ہم داوخت آ ساڑی ئسر وخت اس کہ ڈل اٹی صومالیہ نا مسکوہی صدر احمد عبدینور درمن و سیٹھ محمدعثمان کولیہ ئسک ہم اوار ئسر۔