کوئٹہ۔ 06مارچ (اے پی پی) وزیراعلیٰ سندھ سید مراد علی شاہ پارینے کہ پاکستان پیپلزپارٹی نا لیڈرشپ بلوچستان نا الس تون تفوک ءِ، بلوچستان اٹی کرونا وائرس نا گڑتی آ وزیراعلیٰ بلوچستان تون رابطہ کرسا تینا ہروڑنا کمک نا باوری کرفینن کراچی ٹی کرونا وائرس نا کیس آتا توننگ کن حکومت گام گیج کننگ ءِ، و دا رداٹ بھلو گام گیج چست کننگانے تینا زمواری تیان پورووڑاٹ بلد اُن کوشست ءِ کہ ملک اٹی کرونا وائرس ءِ توننگے۔ داخیال آتا درشانی ءِ او کوئٹہ غا سرمننگ آ میڈیا نا نمائندہ غاتون گپ و تران کرسا کرے، وزیراعلیٰ سندھ سید مراد علی شاہ پارے کہ بلوچستان اٹی دہشت گردی نا برخلاف جنگ و بلوچستان نا حق اکن پیپلز پارٹی متاماری کننگ ءِ بلوچستان نا ساحل و وسیلہ غاتیا غٹ آن اولیکو حق بلوچستان نا الس نا ءِ بلوچستان نا وسیلہ غاک داجاگہ نا الس نا راج آ خڑچ مریر بلوچستان پولیس الس و فورس آک دہشت گردی نا برخلاف جان تے ندر کریر، ہرانا سوب آن اینو بلوچستان اٹی امن ءِ اوپارے کہ پیپلزپارٹی الس نا نمائندہ جماعت ءِ و بلاول بھٹو زرداری الس تون سلوک ءِ، اوپارے کہ سندھ اٹی خولم نا تنکی نا مون ءِ توننگانے و حالیت آک کنٹرول اٹی ءُ، فریشانی نا ہیت اس اف سندھ ءِ کشاری دیر انا تنکی نا مون تروک ءِ سکھر و گڈوبیراج آ دیر انا کمتی و تنکی نا مون ءِ تورسا بلوچستان ءِ حسب ضرورت دیر انا فراوانی ممکن مننگ کیک ہراوخت اسکان دیر ءِ سہی وڑاٹ بشخنگپک دیری کاختی نا ویل مون تروک مریک ہراوخت اسکان 1991ء نا معاہدہ آ عملدرآمد کننگپک ہمووخت اسکان آبی جھیڑہ غاک برقرار سلرہ اوپارے کہ بلوچستان و سندھ انا نیام اٹ گچین تعلقداری ءِ مون آ دننگ کن سنجیدہ اُن وخوانہ کہ بلوچستان ہم ایلو صوبہ غاتا بریبر شون ہلے و الس نا زند انا آب بڑز مرے۔
