اسلام آباد۔ 06 مارچ (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مسہ دہائی اسکان قوم آ مسلط مروک آک اینو تینا بے سہبی تے مننگ ءُ، مسکوہی وزیراعظم شاہد خاقان عباسی نا بیان ڈوہ انا امناءِ، پاکستان نا الس اِرا خاہوت نا میراتی و سیاسی ماڈل آن بیزار ءُ، الس عمران خان ءِ وزیراعظم گچین کرسا پوسکن ءُ کسر اس پٹانو۔ داخیال آتا درشانی ءِ او جمعہ نادے آ مسکوہی وزیراعظم شاہد خاقان عباسی نا بیان آن پد جاری تینا اسہ ٹویٹ اسے ٹی کرے ہراٹی او پاریسس کہ ”مستین نا ماڈل آک ملکی ویل آتے ایسر کننگ کتوس پوسکن ءُ کسر پٹنگ نا گرج ءِ“۔ ڈاکٹر فردوس عاشق اعوان پارے کہ شاہد خاقان عباسی نا دا بیان اصل اٹ ڈوہ انا امنا ءِ۔ اوپارے کہ مسہ دہائی آن قوم آ مسلط مروک آک اینو قوم انا مون آ تینا بے سہبی تے مننگ ءُ۔ وزیراعظم نا خصوصی کمکار حوالکاری و شین کاری پارے کہ پاکستان نا الس عمران خان ءِ وزیراعظم گچین کرسا پوسکن ءُ کسر آ پٹانو، پاکستان نا الس اِرا خاہوت آتا میراتی سیاسی ماڈل آن بیزار ءُ، الس نا دہائی ءِ کہ داسہ دا اوفتیا دُوارہ مسلط مفس۔ اوپارے کہ اینو جمہوریت نا ہیت کروک آک تینا دور اٹی آئینی ترمیم کرسا بادشاہ سلامت مننگ نا کوشست کرسا کریر۔ ڈاکٹر فردوس عاشق اعوان پارے کہ ”کمپنی سیاست“ اٹی غٹ شیئرز خاہوت اتون ءُ، اوفتا جمہوریت دا ئس کہ بھلا ایلم تینٹ وزیراعظم، چنکا وزیراعلیٰ، ایلم نا مار غٹ آں بھلا صوبہ نا مختار اعلیٰ مرسا کرے وخت اس کہ مسڑ”سوپر وزیراعظم“ نا درجہ تخاکہ، عمران خان الس نا ہمو پنی آ راہشون ءِ ہراحقی السی ءُ راج اس جوڑ کرے۔ اوپارے کہ وزیراعظم پگہ کراچی آکاہک ہراڑے او السی ڈٹ آتا بناءِ کیک و کراچی نا ویل آتا ایسری کن پک کروک اولیت آتا جاچءِ ہلیک۔
