اسلام آباد۔ 06مارچ(اے پی پی) وزیراعظم نا سلاہکار خزانہ و اقتصادی امور ڈاکٹر عبدالحفیظ شیخ آبادی نا بابت باندات اٹی اقوام متحدہ نا فنڈ بہبود آبادی (یو این ایف پی اے) نا کڑد انا ستاءِ کرسا پارینے کہ یو این ایف پی اے نا کنڈآن دارداٹ پاکستان تون تکنیکی و مالی کمکاری ٹی ودکی ستاکڑزک۔ اوداہیت ءِ یو این ایف پی اے نا کنٹری نمائندہ لینا موسیٰ تون اوڑدہی ٹی گپ و تران کرسا پارے۔ وزیراعظم نا سلاہکار دااومیت نا درشانی ءِ کرے کہ بروک آ سال تیٹی پاکستان و یو این ایف پی اے نا نیام اٹ تعلقداری و شریداری ٹی پین گچینی بریک۔ اوڑدہی ٹی یوع این ایف پی اے نا پاکستان تون سٹریٹجک شریدار آتے ودفنگ نا بابت باندات آتیا گپ و تران مس۔ اقوام متحدہ نا کنٹری نمائندہ وزیراعظم نا سلاہکار ءِ قومی و صوبہ غاتا کہول آ بہبود آبادی، خاہوتی ڈٹ بندی، تولیدی جان جوڑی، ورنا، زالبول آتا جان جوڑی و صنفی پرخ انا بابت آن وزارت آتون اواری اٹ چست کروک آ گام گیج آتا بارواٹ سرجم حوال تس۔

متعلقہ مضامینمصنف کی طرف سے مزید