اسپیکر و ڈپٹی اسپیکر قومی اسمبلی نا پنی آ مسخرہ گو امان اللہ نا کزیت آ است ہسونی نا درشان

اسلام آباد۔ 06مارچ (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ئسک پنی آ مسخرہ گو امان اللہ نا کزیت آ ڈکھ و است ہسونی نا درشانی ءِ کرینو۔ جمعہ نادے آ قومی اسمبلی سیکرٹریٹ آن جاری تینا جتا جتا بیان اٹی اسپیکر و ڈپٹی اسپیکر قومی اسمبلی ئسک پاریر کہ ایماندار نا شوبز نا بشخ انا شونداری کن تروک آ خذمت آتے مدام یات تخنگک۔ اوفک پاریر کہ ایماندار امان اللہ اسٹیج، مزاحیہ اداکاری، و ڈارامہ انڈسٹری نا نہادی میرات ئس۔ اسپیکر و ڈپٹی اسپیکر دعا کریر کہ اللہ تعالیٰ ایماندار نا درجہ غاتے بڑز کے و پدسلوک آتے دا ناقابل تلافی نسخان ءِ سگنگ نا توفیق ایتے۔