اسلام آباد۔5مارچ(اے پی پی) مزن وزیرراجی جانءُسلامتی پڑءِ ھاسیں کمک کار ڈاکٹر ظفر مرزا ءَ گشتگ کہ نوول کرونا وائرس ءِ آماچیں مردمءُ پہ آیانی علاج کنوکیں ڈاکٹر آں ابید دگہ کسءَ را ماسک دپءَکنگءِ ضلورت نہ اِنت۔ پنچ شمبےءِ روچءَ وتی یک ٹویٹءَ آئیءَ گشتگ کہ ہرکسءَ راماسک دپءَ کنگءِ ضلورت نہ اِنت، تنا کرونا وائرسءِ آماچیں مردم، آیانی علاج کنوکیں ڈاکٹرءُ جانءُ سلامتی پڑ کارکنوکیں مردم ماسک دپءَ بہ کن اَنت۔ مزن وزیرءِ حاسیں کمک کارءَ گشتگ کہ ڈاکٹر آنی ھاترءَ حاسیںماسک کارمرز کنگءُ آماچیں نادراہ ءُ کُہلگءُ زکان ءِ نادراہ ماسک دپ ءَ بہ کن اَنت۔ آئیءَ ٹویٹ ءِ تہءَیک بینرے ہم شنگ کتگ کہ آئی ءِ تہءَ اُلسءَ را اے بابتءَ سرپدی دیئگ ۔ بینرءِ تہءَ اے سرپد کنگ بوتگ کہ ماسک دپءَ کنگءَ پیسر دستاں گوں صابن ءَ شریءِ سرءَ شودگ لوٹ ایت ءُ دپ ءُ پونز ءَ ڈھبگ بہ بنت، ماسک ءَ را دست مہ جن اِت کہ دست بہ لگ ایت گڑا دستاں زوت بہ شود اِت، ماسک اگاں ساہ ءِ کشگءَچہ نمب بوت گڑا آئیءَ را مٹ بہ کن اِنت، یک رندے کارمرز کتگیں ماسک ءَپدا کارمرزمکن اِت۔ کارمرز کتگیں ماسکءَ دپ گیری بُچ دانءَ دور بدے اِت ءُ دستاں گوں صابنءَ تاں 20منٹ ءَ بہ شود اِت۔ این۔95ماسک یک حاسیں ماسک اِت کہ پہ کرونا وائرسءِ نادراہ آنی چارءُ گزارکنوکانی ھاترءَاِنت، ماسک دپءَ کنگءِ وہدءَ ہم وتی دستاںگوں صابن ءُ آپ یا گوں سینسٹائزرءَ 20منٹءَ بہ شود اِت۔
