اسلام آباد۔5مارچ(اے پی پی) مزن وزیرءِجانءُ سلامتی پڑ ءِ کمک کار ڈاکٹر ظفر مرزاءَ گشتگ کہ کروناوائرسءَ چہ رکینگ ءِ ھاترءَ بنجاہ، صوبہ ءُ درائیں ادارگ سرجم ءَ ساڑی اَنت، درائیں زمینی کشک ءُ بالی پڑانی سرءَ سکریننگ کنگ بوہگءَ اِنت، درساں یک جاہ ہوار اُلس ءَ را چہ اےوائرسءَ رکینگ ءِ ھاترءَ وتی کرد پیلو کنگ لوت ایت، تاں انوں 7لکھ 60ہزارءَ چہ مسافرآنی سکریننگ کنگ بوتگ، کرونا وائرس ءَ را گرءُ دار کنگ ءِ ھاترءَ گامگیج کنگ بوہگءَ اِنت۔ پنچ شمبےءِ روچءَ ڈاکٹر ظفر مرزاءِ سروکیءَ ایمرجنسی کور گروپ ءِ دیوان بوتگ کہ آئی ءِ تہءَ جانءُ سلامتیءِ بنجاہی سیکرٹری ڈاکٹر سید توقیر حسین شاہ، این آئی ایچ ءِ ایگزیکٹو ڈائریکٹر، پاک فوج ءِ نمائدگ ءُ دگہ زانت کار ہوار بوتگ اَنت۔ دیوانءَ ملک ءَ کرونا وائرس ءَ رکینگءِ ھاترءَ کتگیں گامگیجانی چارءُ تپاسی کتگ۔
