اسلام آباد ۔ 5 مارچ (اے پی پی) مزن وزیر عمران خان ءَ گوشت کہ ھاٹیگ ءِ شوبگ ءَ استیں جیڈھ آںی گر ءُ دار ءِ واستہ حکومت اولی روچ ءَ چہ زوتیں بنیات آنی رد ءَ گامگیج کنگ ءَ انت۔ ھرابیں انتظامی ءُ مالی جیڈھ میراس ءَ رستگ آں، توان ءُ گیس ءِ دزی ءَ دست مانجیں مردم آناں کانود ءِ پنگ آنی تہ ءَ کار آں۔ سالانی سال نالائقی ءُ کرپشن ءَ نظام ءِ رھبند ءَ آناں ھراب ءُ کوکلا کتگ، آوٹ آف باکس گامگیج کنگ لوٹ ایت۔ اے ھیالانی درشانی آئی ئَ ریاستی ملکیتی ادارگ آنی کار کرد آنی گہتری ءِ رد کتگیں گامگیج آنی ھوالگ ءَ چار ءُ تپاسی دیوان ءِ سروکی ءَ کنان ءَ کت۔ دیوان ءَ وزیر ءِ ھاٹیگ عمر ایوب خان ، وزیر برائے منصوبگ بندی اسد عمر، وزیر برائے نجکاری محمد میاں سومرو، وزیر برائے ہوابازی غلام سرور خان ، مشیر ھزانگ ڈاکٹر عبدالحفیظ شیخ، مشیر تجارت عبدالرزاق دائود ، ھاسیں کمکار اھوالکاری ءُ شنگ کاری ڈاکٹر فردوس عاشق اعوان ، ھاسیں کمکار ندیمم بابر ءُ کلانہ ایں سرکاری اپسرگ آں بھر زوری کت۔ دیوان ءَ وزارت ءِ پٹرولیم ءُ ھاٹیگ ءِ نیمگ ءَ استیں 18ماہ ءَ جھلی ادارگ ءَ انتظامی کوکا ءَ گہتری ، وام آنی گرگ ءِ پڑ ءَ گیشی ءُ اے ادارگ آنی ھواریں کار کرد ءَ گہتری ءِ رد ءَ گامگیج آنی ھوالگ سرپد کنگ بوت۔ ھواریں مردم آناں ھاٹیگ ءُ پٹرولیم ءِ جیڈھ ءُ ایشانی گیواری ءِ واستہ چار ءُ تپاسی بریفنگ دیگ بوت۔
