سٹیزن پورٹل ءِ سر ءَ 15 ماہ ءِ ساھت ءَ 15 لکھ دزبندی جم کنگ بوتگ، ایشانی تہ ءَ 92 درسد شکاست گیوار کنگ بوتگ انت، مزن وزیر عمران خان ءِ ٹویٹ

اسلام آباد ۔ 5 مارچ (اے پی پی) مزن وزیر عمران خان ءَ گوشت کہ سٹیزن پورٹل ءِ سر ءَ 15 ماہ ءِ ساھت ءَ 15 لکھ دزبندی جم کنگ بوتگ، ایشانی تہ ءَ 92 درسد شکاست گیوار کنگ بوتگ۔ پنچ شمبے ءِ روچ ءَ چاگردی یکوئی تنج ءِ سر ءَ وتی کلوہ ءَ مزن وزیر ءَ گوشت کہ اے بے دروریں کامیاتی ءِ پد ءَ وتی ٹیمب ءَ را لائک ءِ ستا پیش کناں۔ اے گامگیج ءَ چہ شہری راستیں رنگ ءَ وت مستر بوتگ انت۔ آئی ءَ گوشت کہ سٹیزن پورٹل ءَ چہ شہری الس ءُ حکومتی ادارگ آنی نیام ءَ نزیکی بوتگ۔